破一台独大之局!! 追新台Viu TV全攻略
破一台独大之局!! 追新台Viu TV全攻略
虽然成日讲「亚视永恒」，但始终都有大结局嘅一刻。正所谓「一鸡死一鸡鸣」，亚视冇咗就自然有新电视台嘅出现。
近期ViuTV开台成为大家嘅话题，之前其实系网上面已经可以睇到部分节目。
ViuTV电视节目表
问题一：ViuTV几时开台呀？
答：如果大家屋企有申请nowTV嘅话呢就可以快人一步啦，3月31号就抢先可以系nowTV 99台睇到佢哋嘅试播啦！咁其他冇now嘅人就要迟少少，4月6号先可以睇到。提提大家4月2号可以开始重新搜台，而ViuTV嘅台号同now既一样，会系99台。
问题二：开台之后会有几多条频道？
答：暂时就只有一条中文频道。但根据广管局条例，新电视台成立一年内必须有中英文频道各一条。所以ViuTV一定会有英文频道，最迟都会系出年嘅3月31号成立。
三大焦点
1 实况娱乐真人show《跟住矛盾去旅行》
其中一集嘉宾：蒋丽芸，林日曦
2 至in韩剧《太阳的后裔》
《太阳的后裔》剧照
喺节目表见到外购剧表上有《太阳的后裔》？你冇睇错！喺韩国都系啱啱开始首播，香港已经有得睇啦。除咗买剧方面追得韩流够贴之外，开台之后差唔多晚晚都可以睇到宋慧乔同宋仲基嘅影子，绝对系迷上OPPA嘅褔音！
3 每月直播一场西甲赛事＋精华重温
平时睇波都系喺收费电视台先有得睇，免费台大多数都系得赛后精华睇。ViuTV将会开台后每个月直播一场西甲赛事，同时逢星期一晚播出赛事精华。
黄金时段剧集
之前发布会ViuTV表示喺时间表方面，编排参考日本及美国电视频道嘅编排，会系黄金时段播放6.5小时首播节目，同时亦唔会成个星期都系喺黄金时间播放同一套节目。
话明系黄金时间，一定会有剧集嘅出现。以为新电视台揾唔到人拍剧只可靠外购剧？咁你就大错特错啦！之前放咗上ViuTV官网嘅《玛嘉烈与大卫》已经系其中一套本地剧啦！之后全新一辑仲揾埋林保怡同周嘉仪去演出添！之后更有卢海鹏主演嘅处境剧《三一如三》。
自家剧集《玛嘉烈与大卫》新一辑主角：林保怡及周家怡
外购剧绝对会是另一个焦点！相比起大台买嘅外购剧永远都迟咗成年先播出，ViuTV就冇咁严重啦！头先上页讲到嘅《太阳的后裔》会系其中一套，同时间之前喺日本大热嘅《民王》都喺节目表上出现。发布会上讲到明所有外购剧集都会有繁体字幕同广东话配音，咁就唔使睇估估下啦！
《民王》宣传照
之前有睇数码暴龙tri嘅，都知道ViuTV喺动画呢方面落重注。会上提到未来会播放《海贼王》之余，更有之前大热嘅《一拳超人》同其他动漫作品，照顾咁多位动漫迷。
《一拳超人》
内地未知几时可以睇到呢？
欢 迎 关 注 新 假 期 微 信 公 众 号：WeekendWeeklyHK
